Шуöны, мый му вылын олö матö 8 миллиард морт. И мувывса олöмын öти мортлöн бырöм быттьö оз и тöдчы. Кор мунö мöдаръюгыдас пыдди пуктана да радейтана морт, Велöдысь, сылöн бырöмыс сьöлöмсö ворзьöдö уна-уна йöзлысь. Матыссаясыслы, рöдвужыслы, тöдсаясыслы зэв ыджыд шог. И, дерт жö, дыр на лоö шог да шемöс öттшöтш уджалысьясыслы.

Тавося февральын сьöкыда висьöм бöрын кусic олöмыс шань да бур аньлöн, дона мамлöн, муса гöтырлöн, радейтана пöчлöн да ыджыд мамлöн, Вылыс Ярашъюысь Нина Григорьевна Третьяковалöн…

 …Матö нелямын во Нина Григорьевна велöдiс Ярашъюса школаын.
Районса олимпиадаяс вылын сылöн быдтасъясыс пыр босьтлiсны медводдза местаяс. Нина Григорьевна уна во веськöдлiс классöн — вöлi класслöн мамöн. И збыльысь, уналы вöлi мöд мам кодь. Эз весьшöрö вош сылöн уджыс, кор медся кывзысьтöм «кулиганъяс» армиясянь сылы, бурö туйдöм-велöдöмысь, мöдöдлiсны аттьöалан письмöяс. Бур уджысь велöдысьöс ошкисны, сетiсны грамотаяс, пасйисны «Отличник народного просвещения» нимöн. Йöзлöн паметьын колис сiйö бур Велöдысьöн, туйдысьöн, паськыд олöмö петкöдысьöн…
Водзö лыддьöй апрель 25-öд лунся газетысь.

 Вылыс Ярашъюса школаын велöдысьяслöн котыр.
 Снимокъяс Ярашъюса школалöн.